1. Harakat qoidalari

1. Birinchi bo‘lib salom bering. Salom beradigan inson yaxshi taassurot qoldiradi.

2. Kechikmang. Vaqtga rioya qilish - ishonchning eng oddiy belgisi.

3. Xato qilsangiz, bahona qilmang. Xatoni tan olish sizni kuchsiz emas, mas’uliyatli ko‘rsatadi.

4. Bilmasangiz, bilgandek ko‘rinmang. Darhol so‘rang.

2. Muloqot prinsiplari

5. Hisobotni doim xulosadan boshlang. Rahbar avval natijani bilishni xohlaydi.

6. So‘rashlarini kutmang. Ish jarayonida oraliq hisobot berib boring.

7. Jahlingiz chiqqanda, 3 soniya jim turing. Shu qisqa sukut ko‘p muammoning oldini oladi.

8. Har bir ko‘rsatmani yozib boring. Xotiraga ishonishdan ko‘ra, yozib olish ishonchliroq.

3. Munosabat chegaralari

9. Rad etishingiz kerak bo‘lsa, hissiyotga berilmang. Faqat muqobil yechim taklif qiling.

10. Qo‘pollikka ham hurmat bilan, lekin qat’iy javob bering. Chegarani odob bilan qo‘yish kerak.

11. Ishxonada boshqalarni yomonlamang. Bunday odat sizga bo‘lgan ishonchni kamaytiradi.

12. Hamkasblarga shaxsiy hayotingizni haddan ortiq ochib bermang. Ishdagi masofa ham kerak.

4. Ish odatlari

13. Muammo chiqsa, darhol rahbaringizga xabar bering. Muammoni yashirish uni yanada kattalashtiradi.

14. Yig‘ilishda kamida bitta fikr bildiring. Jim o‘tirish sizni ko‘rinmas qilib qo‘yadi.

15. Faqat shikoyat qilmang. Muammo bilan birga yechim ham taklif qiling.

16. Kompyuter ish stoli va pochta qutingizni tartibli saqlang. Tartib ish uslubingizni ko‘rsatadi.

5. Mental boshqaruv

17. Feedbackni hissiyot bilan emas, fakt sifatida qabul qiling. Tanqid o‘sish uchun kerak.

18. Qarshingizdagi odam jahllansa ham, siz o‘zingizni yo‘qotmang. Hissiy barqarorlik katta ustunlik.

19. Noqulay vaziyatda “menga nohaqlik qilishdi” deb o‘ylamang. Real foyda va natijani hisoblang.

20. Janjal bilan emas, mantiq va prinsip bilan xohlagan natijangizga erishing.

Azamat Rashidov

SK Hynix rahbaridan qadrlanadigan xodim bo‘lish uchun 20 ta tavsiya.